الانسان اما عصبي او رايق



وكل عصبي مايروق الا اذا عاش مع رايق




يقابله بضحكه او ابتسامه تخلي الجنون اللي في راسه يهدا




يعني لو تخيلنا واحد عصبي




وجالس مع مجموعة من الزملاء الاكثر عصبيه منه كل واحد يقول الزود عندي




باللهي كيف راح يكون جو مجلسهم وهم ملاسن وصراخ وانت ماتفهم شي ياغبي ويرد عليه الثاني اقطع واخس ورني عرض اكتافك واطلع من استراحتنا <<(استراحه جنب بيت ابوه)




ويطلع الاول وهو يتمتم بينه وبين نفسه من زين استراحتكم عاااد تسمعون بالاستراحات حوش وخيمه طاقتها الشمس ومغبره والله ان امي تقوله ماجاك الصدر الا من خيمة خويك تشرق حلوقنا من هالتربات اللي على جدرانها والله



و لو هي استراحة البرق ماشاء الله اللي بدائري الغربي كان يحق له يغتر



<<< مابقى الا تحطين صورها



ويرد عليه خويهم الثالث الحين وراء ماتعقلون انتم ووجيهكم اللي ماحلاها الله ياخي ياشينكم تنكدون على الواحد جلسته انتم ناسين ان اليوم




مبارة الهلال والنصر خل نشوفها وبعدين تطاقو




أن شاء الله تشلخون وجيه بعض مناب رادينكم يالله بس قم صلح لنا شاهي وجب معه حب فصفص وقرب المراكي ولاعاد اسمع صوت احد منكم والله لشق لهاته ..8



8



بالله عليكم هذا جو سهره ووناسه يخليك تترك بيتكم وتتحمل تنفخ خوياك عليك وكرفهم لك جب شاهي وقرب المركى يعني ما تصعب عليك نفسك وانت شايل وحاط بدلال والاباريق والمراكي يابو مراكي اجلس في بيتكم محشوم ومكرم ويجيك المكسرات اللي من الرفاعي والشاي المنعنع



بس صدق راي النعمه محسود ...وليش كل هذا عناد في امه واخواته مابي اجلس معكم بروح لاخوياي اللي يسمعه يقول الكلمه كلمته عندهم مايدرون انه ماعمره حط القناة اللي يبيها كل ما قال بس بس وقف شوي بنشوف وش قال مصطفى اغا في المرمى قالو له ياشيخ فكنا منه هو ووجه ماعنده سالفه والا بالله عليك قل لي وش دخل نجوى كرم و ريم عبدالله الممثله السعوديه في الكوره بس ترزيز خشش ناقصين ذنوب حنا الله يتوب علينا بس ياليت وانا اخوك تطمر الله لا يهينك تجيب لنا من شواية الخليج عشاء نتعشى ونلعبك كوره معنا .




صارت عصبيته على اهله الله يعظم اجرهم فيه واخوياه هم اللي ذايقين نفعه .

يتبع جزء الرايق





الرايق ربي انعم عليه بافضل نعمه عطاه ربي عقل يرجح بديره كامله مايشيل هم كلمه طالعه من غير قصد دايم يحسن الضن ويؤولها خير ويقلب الجد مزح كل همه من وين نطلب اليوم عشانا
الجلوس معه يزيد العمر وتتمنى ما يخلص الوقت وكل كلامه في المفيد مايتكلم على امور انتهت وصار اللي صار لااااا يبدا من جديد مع شروق يوم جديد متفاءل ويبعث لروحك التفائل من كلامه تحب المشاكل اللي يحللها ويبسطها ويقلبها من غالب لمغلوب (الله يجعلنا من هالناس

الموضوع  الاصلى : الفرق بين الأنسان العصبي والرايق      المصدر : ايجى ديزاين      الكاتب : The Killer